ગુજરાતી ગઝલ : આ વર્ષનાં અંતે માણીએ હર્ષ બ્રહ્મભટ્ટની જાણીતી ગઝલ. આ ગઝલ સૌને જગાડનારી ગઝલ. આવનારી સૌ ખુશીની વાત કરીએ, એક નવી શરૂઆતની શરૂઆત કરીએ. ગુજરાતી ગઝલ ના અદભુત શેર માણતા રહીશું.
આવનારી સૌ ખુશીની વાત કરીએ,
એક નવી શરૂઆતની શરૂઆત કરીએ.
હરવખત શું મ્હાત થઈ જાવું દુઃખોથી,
ચાલ આ વખતે દુઃખોને મ્હાત કરીએ.
જેટલા સુંદર, સુઘડ ને સ્વચ્છ બાહર,
દોસ્ત અંદરથીય એવી જાત કરીએ.
હોઈએ ત્યાં મ્હેંકતું કરીએ બધુંયે,
ઘર, નગર, આખ્ખું જગત રળિયાત કરીએ.
જે મળ્યું એને કરી સૌથી સવાયું,
આવનારી કાલને સોગાત કરીએ.
– હર્ષ બ્રહ્મભટ્ટ
- 1 ગુજરાતી લેખક કેટલા કમાય છે?
- ચુનીલાલ મડિયા લિખિત ગુજરાતી વાર્તા ‘વાની મારી કોયલ’ : વાર્તા રે વાર્તા
ગુજરાતી ગઝલ ના અદભુત શેર
અમે રાખમાંથીયે બેઠા થવાના,
અમે રાખમાંથીયે બેઠા થવાના,
જલાવો તમે તોયે જીવી જવાના.
ભલે જળ ન સીંચો તમે તે છતાંયે,
અમે ભીંત ફાડીને ઊગી જવાના.
ધખો તમતમારે ભલે સૂર્ય માફક,
સમંદર ભર્યો છે, ન ખૂટી જવાના.
ચલો હાથ સોંપો, ડરો ન લગીરે,
તરી પણ જવાના ને તારી જવાના.
અમે જાળ માફક ગગન આખું ઝાલ્યું,
અમે પંખી એકે ન ચૂકી જવાના !
કવિ હર્ષ બ્રહ્મભટ્ટ પરિચય
જન્મ તારીખ : 07/31/1954
જન્મ સ્થળ : મહેસાણા, ગુજરાત
અભ્યાસ :
1) બેચરલ ઓફ સાયન્સ (૧૯૭૪)
2) માસ્ટર ઓફ સાયન્સ (૧૯૭૬)
વ્યવસાય :
–> ગુજરાત સરકારનાં વહીવટી વિભાગમાં
પુસ્તક :
કાવ્યસંગ્રહ : ગુજરાતી :
૧) એકલતાની ભીડમાં (૧૯૯૨)
૨) અંદર દીવાદાંડી (૨૦૦૨)
૩) મૌનની મહેફિલ (૨૦૦૯)
૪) જીવવાનો રિઆઝ (૨૦૧૦)
૫) ઝાકળ ને તડકાની વચ્ચે (૨૦૧૨)
૬) ખુદને ય ક્યાં મળ્યો છું ? (૨૦૧૨)
૭) કોડિયામાં પેટાવી રાત (૨૦૧૫)
૮) આભ દોર્યું તો સૂર્ય ઊગ્યો’તો
उर्दू :
१) कंदील (1998)
२) सरगोशी (2004)
३) मेरा अपना आसमाँ (2011)
४) ख़ामोशी है इबादत (2013)
gujarati shayari | ગુજરાતી શાયરી | ગુજરાતી સાહિત્ય | ગુજરાતી કવિતા | ગુજરાતી ગઝલ | ગુજરાતી લેખક | કવિતા | Gujarati Kavi | Kavita | Ghanubadhu | desh bhakti shayari gujarati | gujarati gazal lyrics | Gazal
